84.83 F
Jaffna
June 19, 2019
BPC Tamil
World

விண்வெளி ஆய்வு மையத்துக்கு செல்ல உள்ள கிறிஸ்டீனா கூக்!

 விரைவில் விண்வெளி ஆய்வு மையத்துக்கு செல்ல உள்ள அமெரிக்க விண்வெளி வீராங்கனை கிறிஸ்டீனா கூக், விண்வெளியில் ஓராண்டு காலம் தங்கியிருந்த வீராங்கனை என்ற பெருமையை பெற உள்ளார்.

அமெரிக்கா, ரஷ்யா உட்பட 13 நாடுகள் இணைந்து விண்வெளியில் சர்வதேச ஆய்வு மையத்தை அமைத்துள்ளன. அந்த மையத்தில் 6 வீரர்கள் தங்கி தொடர்ந்து ஆராய்ச்சி மேற்கொண்டு வருகின்றனர். அவர்கள் 6 மாதங்கள் அங்கு தங்கிவிட்டு மீண்டும் பூமிக்கு திரும்புவார்கள். அதன்பின்னர் புதிதாக 3 விண்வெளி வீரர்கள் சர்வதேச விண்வெளி ஆய்வு மையத்துக்கு அனுப்பி வைக்கப்படுவார்கள்.

அந்த வகையில், ரஷ்ய விண்வெளி ஆராய்ச்சி நிறுவனமான ரோஸ்கோஸ்மாஸ் சார்பில் ரஷ்யாவை சேர்ந்த அலெக்சாண்டர், இத்தாலியை சேர்ந்த லூகா பர்மிடானோ ஆகிய 2 வீரர்களும், அமெரிக்காவை சேர்ந்த கிறிஸ்டீனா கூக் என்கிற வீராங்கனையும் எதிர்வரும் ஜூலை மாதம் 20- ஆம் திகதி சர்வதேச விண்வெளி ஆய்வு மையத்துக்கு செல்லவுள்ளதாக சரவதேச செய்திகள் தெரிவிக்கின்றன.

சோயூஸ் எம்-13 விண்கலத்தில் செல்லும் இவர்கள் கூடுதல் ஆராய்ச்சி பணிக்காக 11 மாதங்கள் அல்லது 392 நாட்கள் விண்வெளியில் தங்கி இருந்துவிட்டு பூமி திரும்புவார்கள் என தெரிவிக்கப்பட்டுள்ளது. இதன் மூலம் அதிக காலம் விண்வெளியில் தங்கியிருந்த வீராங்கனை என்ற சாதனையை கிறிஸ்டீனா கூக் படைக்கப்போகிறார்.

இதற்கு முன், அமெரிக்காவை சேர்ந்த விண்வெளி வீராங்கனை பெக்கிவிட்சன், அதிகபட்சமாக 289 நாட்கள் விண்வெளியில் தங்கி இருந்தார் என்பதும் குறிப்பிடத்தக்கது

Related posts

16 ஐ.எஸ். பயங்கரவாதிகள் கொன்று குவிப்பு!

BPC Tamil

ரஷ்யாவில் விமானத்தில் ஏற்பட்ட திடீர் தீ விபத்தினால் 41 பேர் பரிதாபமாக உயிரிழந்துள்ளனர்!

BPC Tamil

ஐ.எஸ். தீவிரவாத அமைப்பின் தலைவன் அல் பாக்தாதி, 5 ஆண்டுகளுக்கு பிறகு வீடியோவில் தோன்றியுள்ளதால்!

BPC Tamil

Leave a Comment